Osterøy Høgre
Høgre er eit liberalkonservativt parti som set tillit til og respekt for enkelmennesket høgt. Saman vil me byggja eit samfunn prega av tillit, openheit og små forskjellar.Høgre vil at Osterøy skal vere ein god kommune å leve i og ein attraktiv kommune å busetje seg, arbeide og driva bedrifter i.
Me meiner at det er du sjølv som veit best kva som er rett for deg. Derfor vil Høgre kjempe for retten din til å velja sjølv, og din rett til å vere annleis. Fridom er òg ansvar. Fridom til å velje sjølv vil seie at ein også må ta ansvar for konsekvensane, men samstundes skal alle kjenna på grunnleggjande velferd og tryggleik.
I perioden 2023–2027 har partiet fire representantar i heradsstyret. Du kan bli betre kjent med dei på vår heimeside.
Me møtest på rådhuset kl. 18.00 måndagen før kvart politiske møte. Der diskuterer me både dei sakene som skal handsamast og lokale, regionale eller nasjonale politiske tema, alt etter kva møtedeltakarane ønskjer å løfta til debatt. Stad og tidspunkt for desse møta finn du på vår heimeside. Alle Høgre-vener er velkomne, også dei som enno ikkje er medlemmer!